|
1
|
I wet's scho lang gärn wüsse
Und i weiss, euch gelt's wie mir
Warum, dass d Miuchgass Miuchgass heisst
Weiss niemmer Im Quartier
Dr Einzig wo's no wüssti
Dä isch geschter grad verreisst
Drum weiss zur Zyt grad keine
Warum d Miuchgass Miuchgass heisst
Drum weiss zur Zyt grad keine
Warum d Miuchgass Miuchgass heisst
|
|
2
|
Das lat mer jetz ke Rueh
Das muess doch use z'finge si
Warum, dass d Miuchgass Miuchgass heisst
Muess nöime gschribe si
Drum gahn i mau i ds Gmeinsarchiv
Und luege dert chli dri
Da gsehn i's schwarz uf wiss
I öiser Dorfchronologie
Da gsehn i's schwarz uf wiss
I euser Dorfchronologie
|
|
3
|
Vo hüt a wüsse's aui
Und das isch doch wunderbar
Warum, dass d Miuchgass Miuchgass heisst
Isch jetz ejedem klar
Und, dass dir's nid vergässet
Loset zue und spitzet ds Ohr
Mir wei's no einisch üöbe
Und drum singe mir im Chor
Mir wei's no einisch üöbe
Und drum singe mir im Chor
|
|
Refrain
|
Jaaa - d Miuchgass, d Miuchgass heisst eso
Wäg me Schueh und wäg me Floh
Denn dr Floh sticht zue
I's Mäuchers Fuess im Schueh
Und dr Mäucher fluecht, wieso
Isch da i mim Schueh ne Floh
Da, won är sich bückt wird's nass
Und d Miuch isch uf dr Gass
Denn är het, jetz chunt's em z'Sinn
Bränte scho am Rügge hing
|
|
Schluss
|
Denn är het, jetz chunt's em z'Sinn
Bränte scho am Rügge hing
|
|
12.06.1992/Peter Nützi
|